Zbulohet arsyeja përse Messi udhëtoi drejt Milanos por nuk luajti kundër Interit

65
SHARE

Leo Messi udhëtoi drejt Milanos së bashku me ekipin për ndeshjen ndaj Inter, por më pas ai u la në tribunë nga trajneri Valverde.

Mediat katalanase kanë zbuluar se forma e argjentinasit dihej dhe ai nuk ka shkuar në Milano me synimin për të luajtur.

Qëllimi kryesor i udhëtimit të tij në Milano ishte që ai të mbështeste shokët e tij duke ushtruar rolin e tij si kapiten dhe ta bënte të qartë se këtë vit, fitimi i Ligës së Kampionëve është objektivi numër një.

Ky ishte qëllimi i udhëtimit të tij bashkë me skuadrën, një veprim më shumë simbolik sesa sportiv, më frikësues për kundërshtarin se efektiv.

Burimet e mediave spanjolle pranë “Sport” thanë se Messi u stërvit shumë lehtë në Milano, pa iu nënshtruar ngarkesave fizike të shokëve të skuadrës.

Ai nuk është riaftësuar plotësisht. Në fakt, Messi ende nuk e ka lejen e stafit mjekësor për të luajtur dhe nuk po nxitohet për të luajtur me shokët e skuadrës.

Na ndiqni në Facebook për lajmet e fundit.