Real është gati, ja plani misterioz i Perez për blerjen galaktike

125
SHARE

Koha kalon me shpejtësi dhe deri tani Real Madrid ka dështuar në blerjen e të paktën një futbollisti galaktik në gjëndje që të bëjë të hedhë në harresë largimin e Cristiano Ronaldos, futbollistit lider i Los Blancos që u transferua te Juventus.

Gjithsesi, sipas raportimeve të “Don Balon”, presidenti Florentino Perez ka një plan.

Në mendjen e numrit 1 të klubit madrilen qëndron një blereje galaktike që do të mbërrijë në Santiago Bernabéu përpara mbylljes së merkato së verës.

Dhe madje me një çmim që do të vendosë rekordin e ri, plot 300 milionë euro.

Pereze po punon në hije.

Plani i presidentit të Real Madrid është që bëjë blerjen e madhe në limitet e merkatos, më pas të bëjë publik transaksionin.

Një strategji që funksionoi në perfeksion për blerjen e yjeve si Zinedine Zidane, David Beckham dhe Ronaldo Fenomenin.

Një taktikë që gjithsesi përfshin edhe rrezikun, si në rastin e tratativave për blerjen e David de Gea, që dështoi në skadimin e merkatos.

Gjithsesi këtë herë gjërat do të jenë ndryshe, të paktën kështu është i bindur Florentino Perez i cili konsiderohet nga të gjithë një ujk i vjetër për sa i përket merkatove të suksesshme.

Pas disa vite pa shumë shpenzime në blerje, dhe me shumë arkëtime, përfshirë edhe 100 milionët e siguruar nga shitja e CR7, paratë nuk janë një problem për presidentin Perez dhe Real Madrid që pret një blerje të shtrenjtë galaktike.

Idetë janë të shumta dhe shumë emra të vijnë në mendje, por kë do zgjedhë Perez ngelet për tu parë.

Na ndiqni në Facebook për lajmet e fundit.