Lutfi Haziri thotë se stadiumi i Gjilanit do t’i plotësoj kriteret e FIFA dhe UEFA

14
SHARE

Punimet në renovimin e stadiumit të qytetit po vazhdojnë me dinamikë të madhe, ka thënë kryetari i Gjilanit, Lutfi Haziri, gjatë vizitës së punimeve së bashku me drejtorin e Shërbimeve Publike, Naser Korça.

Haziri tha se ky është stadium i kategorisë së katërt sipas standardeve të FIFA dhe UEFA.

“Jam i kënaqur që ka dinamikë të madhe të punimeve sa i përket ndërtimit të tribunave të reja veri-jug, ndërsa ato të vjetrat do të rindërtohen.

“Ky ka me qenë stadium i krenarisë që do t’i plotësojë kushtet për ndeshje ndërkombëtare për të gjitha grupmoshat”, ka nënvizuar Haziri.

Haziri ka shfaqur shpresën që operatori ekonomik do t’i përfundoj punimet sipas planit dinamik.

Në stadiumit e qytetit ndeshjet i luajnë dy klubet e futbollit Drita dhe Gjilani. /Lajmi.net/

Na ndiqni në Facebook për lajmet e fundit.