I dhuroi fitoren Werderit me një gol të bukur, ja çfarë thotë tani Rashica

39
SHARE

Werder Bremeni ka regjistruar fitore të rëndësishme ndaj Eintracht Frankfurtit në një ndeshje dramatike në kuadër të javës së dytë në Bundesliga.

E për këtë fitore, meritat më të mëdha i takojnë reprezentuesit kosovar, Milot Rashicës, i cili luajti sot vetëm nga minuta e 84-t.

Derisa rezultati ishte 1-1, në minutat e fundit të ndeshjes, Rashica shënon gol të jashtëzakonshëm nga gjuajtja e lirë për t’ja dhuruar fitoren skuadrës së tij, transmeton IndeksOnline.

Dhe pas ndeshjes, Rashica ka folur për gazetarët duke u shprehur mjaft i kënaqur, dhe natyrisht për golin e shënuar.

”Goli ishte për tifozët, gjithashtu edhe për Pavlenkan. Ishte ndjenjë e keqe ta shihnim atë të lënduar”.

”Fitorja ishte me të vërtetë e mirë për ne!”, tha Rashica.

Kujtojmë se Rashica është i ftuar nga Bernard Challandes për dy ndeshjet e para në Ligën e Kombeve ndaj Azerbajxhanit dhe Ishujve Faroe

Na ndiqni në Facebook për lajmet e fundit.